Náðu forskoti á tímum framkvæmandi gervigreindar

Þó stutt sé frá síðustu heimsókn, þá hefur margt breyst hjá Íslandsvininum Arnoldo Cabrera, sem er einn af lykilmönnum IKEA Group í markaðsmálum. Gervigreind hefur haft mikil áhrif á það hvernig hann vinnur með CRO, SEO og SEM og mun hann skoða með okkur hvaða áhrif gervigreind hefur haft.

Auk starfa sinna hjá IKEA hefur Arnoldo stýrt stafrænum markaðsherferðum fyrir alþjóðleg vörumerki á borð við Full Tilt og Secunia með góðum árangri og lagt sitt af mörkum til aukinnar vörumerkjavitundar, betri frammistöðu og sterkari upplifunar viðskiptavina.
Arnoldo er margtyngdur og býr yfir traustri reynslu í stafrænni markaðssetningu með áherslu á mælanlegan árangur, stefnumótandi hagræðingu og frumlegar stafrænar lausnir.

Snæbjörn Ragnarsson er sköpunarstjóri (Creative Director) á auglýsingastofunni Pipar\TBWA og hefur starfað þar í 14 ár. Hann hefur komið að fjölmörgum verðlaunuðum auglýsinga- og mörkunarverkefnum á undanförnum fyrir fyrirtæki á borð við Toyota, KFC, Bónus, Sjóvá og Samgöngustofa, svo eitthvað sé nefnt – og tók drjúgan þátt í endurmörkunarverkefni Þjóðkirkjunnar á síðasta ári. 

Snæbjörn er auk þess afkastamikill tónlistarmaður og textahöfundur. Hann er meðlimur í hljómsveitunum Skálmöld, Ljótu hálfvitunum og Innvortis og hefur gefið út yfir 20 breiðskífur og spilað á yfir 1000 tónleikum víðsvegar um heim. Með bróður sínum stofnaði hann hlaðvarpsveituna Hljóðkirkjuna, sem hefur gefið út aragrúa vinsælla hlaðvarpsþátta, þar á meðal Drauga fortíðar, Snæbjörn talar við fólk og Bestu plötuna. Þá hefur hann einnig fengist við leikritaskrif, sjónvarpsþáttagerð, skrifað skáldsögu og var einn af stofnendum Leikhópsins Lottu. Auk auglýsingaverðlauna hefur hann hlotið fjölda viðurkenninga fyrir störf sín, þar á meðal Íslensku tónlistarverðlaunin og Grímuna – íslensku leiklistarverðlaunin.

Alex Moss er lykilráðgjafi í leitarvélabestun (Principal SEO) hjá Yoast, sem er hollenskt/alþjóðlegt fyrirtæki, en einnig eigandi verðlaunastofunnar FireCask í Manchester, þar sem hann hefur bækistöðvar. Hann hefur yfir 15 ára reynslu af öllum hliðum leitarvélabestunar, sem innanhússráðgjafi, sjálfstætt starfandi, starfsmaður á stofu og stofueigandi. Bakgrunnur hans er í tæknilegri leitarvélabestun með áherslu á gervigreind. 

Alex býr yfir víðtækri þekkingu á WordPress og hefur unnið með vefumsjónarkerfið frá árinu 2010. Í gegnum árin hefur hann smíðað allt frá vinsælum viðbótum til sérsniðinna þema og hönnunarkerfa, auk þess að koma að viðamiklum verkefnum tengdum WordPress og leitarvélabestun um allan heim.

Einar Thor stýrir FINDS, sem er hluti af Pipar\TBWA fjölskyldunni. Í því hlutverki nýtir hann víðtæka reynslu sína af sölu, uppbyggingu viðskiptatengsla og markvissri stefnumótun í markaðsmálum til að leiða viðskiptavini áfram. Hann einbeitir sér ekki síst að þróun lausna fyrir vefverslanir (E-commerce) en býr auk þess að áralangri og hagnýtri reynslu af stafrænni þróun og umbreytingu. Þá þekkingu hefur hann meðal annars byggt upp í gegnum störf sín hjá Festi, auk þess sem hann var stofnandi fyrirtækisins KoiKoi.

Í starfi sínu tekur Einar áskorunum fagnandi, enda lítur hann á þær sem dýrmætt tækifæri til að víkka sjóndeildarhringinn og dýpka faglega þekkingu sína enn frekar. Hann hræðist ekki breytingar og hefur tekið fagnandi þeim miklu nýjungum og umbreytingum sem gervigreindin hefur haft í för með sér fyrir greinina.

Elín Elísabet Jóhannsdóttir Löve starfar sem fræðslustjóri Þjóðkirkjunnar og hefur unnið lengi við alls kyns námsefnisgerð, bæði fyrir kirkjuna og Námsgagnastofnun, sem nú heitir Miðstöð menntunar og skólaþjónustu. Einnig hefur hún skrifað töluvert af barnabókum. Þá ritstýrði hún um skeið bæði barnablaðinu Æskunni og unglingablaðinu Smelli og gerði einnig nokkra þætti fyrir Stundina okkar.

Elín Elísabet er uppeldis-, menntunar- og fjölskyldufræðingur með MA-gráðu í jákvæðri sálfræði. Hún lærði auk þess fjölmiðlun við HÍ og tók kúrsa í guðfræði. Þá hefur hún einnig menntað sig í og lagt stund á markþjálfun og teymisþjálfun og hefur víða haldið fyrirlestra þar sem hún vinnur með hugmyndir og kenningar úr jákvæðri sálfræði og fjölskyldufræðum.

Chief Strategy Officer hjá Ceedr Nordic

Ráðstefnustjórn verður í höndum Kristjáns Más, sem fagnar 30 ára ferli í stafrænni markaðssetningu í ár. Hann gerði sína fyrstu vefsíðu árið 1996 en færði sig yfir í markaðssetningu á netinu árið 1998 og stofnaði ráðstefnuna RIMC árið 2004, þar sem hann valdi jafnframt fyrirlesarana.

Kristján er brautryðjandi í stafrænni markaðssetningu og hefur á ferli sínum stýrt alþjóðlegum markaðsverkefnum, þar á meðal Destination Canada, Expedia, Vodafone og Symantec. Hann er meðhöfundur fyrstu íslensku bókarinnar um stafræna markaðssetningu og jafnframt meðhöfundur bókanna Global Search Engine Marketing og Global Social Media Marketing.

Kristján er menntaður í kerfisfræði, auk þess að vera með gráður í markaðssetningu á netinu frá University of British Columbia (UBC), alþjóðamarkaðsfræði frá Thunderbird University og diplóma í stratískir hugsun frá Cambridge University.

Strengths Senior Performance Manager hjá Ceedr

Anna er reyndur sérfræðingur í vaxtarmarkaðssetningu (Growth Marketing) og býr yfir víðtækri reynslu í margtyndu umhverfi þar sem flestir viðskiptavinir hennar vinna út fyrir sína heimamarkaði. Sérhæfing hennar byggir á því að hámarka vegferð viðskiptavinarins með því að samþætta sérþekkingu á stafrænum auglýsingum og stefnumótandi innsæi.

Það sem greinir Önnu frá hefðbundnu markaðsfólki er bakgrunnur hennar í félagsvísindum (Social Science). Hún nýtir þá þekkingu markvisst til að skilja hegðun og hvata fólks, sem gerir henni kleift að tengja vörur og þjónustu viðskiptavina sinna við rétta markhópa.

Anna hefur stýrt stafrænni markaðssetningu þvert á miðla fyrir þekkt vörumerki á borð við Dermosil, Kekäle, Lumoava, Pomar, Andiata og R-Collection. Hún hefur sýslað með viðamikil auglýsingafjárráð á Meta, Google, YouTube og öðrum lykilmiðlum, og nær starf hennar yfir allt frá stefnumótun og mælingum til aðgerða sem miða að auknu viðskiptahlutfalli (conversion).

Anna tekur þátt í pallborðsumræðunum í lok ráðstefnunnar.